Frites - 我由布魯塞爾坐火車去銅鑼灣

第一次認識布魯塞爾是聽明歌的《這麼遠那麼近》。有次在雲希街吃飯，發現街角的這間Frites旗艦店，決定要試一試。

把門推開，高樓底加木製裝修，彷彿進入了比利時的傳統啤酒屋。小妹喜歡高掛的吊燈，復古中帶華麗。

Beer Bible?! Frites有過百款啤酒任君選擇，由draught beer到bottle~ 個drink menu叫Beer Bible絕對合適 😀

有得揀，小妹一定要會draught beer~ 三心兩意唔知揀邊隻好，來個Frites beer sample paddle總有一款合心，又可以同朋友share，一舉兩得 😁

Weekday 3-7pm還有happy hour生啤半價，準時放工來啤一啤也不錯。

Hoegaarden Rosee Draught $70 - ★★★★☆

一直未有機會試呢隻咁lady的Hoegaarden Rosee，今晚機會終於來了。
甜甜酸酸的Raspberry味取代了濃濃的麥味，酒精濃度只有3%，非常適合女生。但得250mL..對我這些麻甩妹來說有點少啊⋯⋯ 😶

墊枱紙就是餐牌。選擇貴精不貴多，還新增了Vegetarian和Healthy選擇，照顧周到。

Hoegaarden Mussel Pots 1/2kg $235 - ★★★☆☆

食比利時菜，青口是必然首選。小妹才疏學淺，今天才知道青口有男女的！😳 橙色是女，奶白色是男。真係食咁耐都唔知啊⋯⋯

店員還分享，比利時人吃青口是用青口殼當匙羹「不」湯飲，難怪之前去布魯塞爾吃青口没有匙羹啦~

青口肉蠻厚，平均來說都幾大粒。1/2kg加其他菜式，夠2-3人share。青口鮮味還可，有少許腥⋯⋯但朋友吃得津津有味，話咁先夠原汁原味喎。

小妹較喜歡伴碟的薯條和烤麵包。粗身薯條炸得脆口得嚟有肉地，點些蛋黃醬超美味。牛油烤麵包亦夠香脆，不知不覺吃了大半份。

750gm Roasted Pork Knuckle $245 - ★★★★★

750gm的豬手份量很大，足夠4人share，$245這價錢非常抵。與德國豬手相比，比利時豬手多了個濃芡汁。
外皮烤得非常香脆可口，肉質軟熟、juicy。脆皮與肉分開再打個芡，有點像中式燒肉 XD 伴碟的蔬菜亦新鮮，小妹喜歡這豬手多過青口 :)

Schnitzel and Frites $195 - ★★★☆☆

没想到青口加豬手的份量咁驚人，有點後悔叫了第三道菜 (汗⋯)
薄切煎豬扒加了parmesan cheese粉漿包裹再煎至金黃色，帶淡淡芝士香，但有點韌，太有咬口。
小妹蠻欣賞伴碟的沙律，酸酸甜甜又爽口，可以清一清煎炸嘢的油膩。

不浪費，食唔晒一定會打包。這裡的打包都特別過人，好似外賣咁精美~
八卦一問，這外賣盒不但可入微波爐，還比一般的較易分解。即方便又環保，餐廳的心思值得加分！

P.S.: 而家只要follow Frites IG, Post相 + Tag + Check-in 或者like Facebook 再post相 + check-in，就可獲全單九五折~ 㩒個制就有折，可樂而不為? :)